Votation pri li nov EU-commission

Li Europan Parlament va hodie votar pri li nov EU-commission.

Pro li decurs del audition del candidates in li parlament, on attende un Yes del deputites. Pro lor pression, li bulgara Rumiana Jeleva hat retirat su candidatura. Su loc in li commission nu va prender li vice-presidenta del Mundal Banca, Kristalina Georgieva.

Li prension del officie del commission es planat por deman. Germania invia a Bruxel li ministre-president de Baden-Württemberg, Oettinger, quam nov EU-commissar por energie. Oettinger recentmen recivet grand attention per su incapabilitá leer e pronunciar un anglés textu, benque il self ante quelc annus postulat de omni german ovrero, parlar e usar anglés.

Unesim nave attin’e Hiddensee

Soledí li unesim nave pos deci dies attin’et li insule Hiddensee in li baltic mare, quel es circumcludet de glacie. Li glacie-ruptor «Görmitz» attin’et li porto Vitte pos desfacil viage in passu-témpore tra li glacie.

Li nave hat cargat circa dúdeci tonnes de nutrage por li tri super-mercates del insul, quel have circa 1000 inhabitatores. Poy «Görmitz» tirat li pram «Vitte», quel de deci dies ha esset fixat ta con motor-defecte tra li dens glacie inter Rügen e Hiddensee.

Test de image.

Li secuent image trova-se rectmen sur li WP-servitor:

Yo espera, que Superpápa place vos.

Bastamentes ancor un vez amplificat in Germania

Li german syndicate de labore servitori, ver.di, hodie va continuar su bastamentes de advertiment in li landes Hessen, Saxonia-Anhalt, Saxonia e Saarland.

Milles de homes in via a lor labor attendet vanmen in li matine a tram e metró. In Saarbrücken li laboreros del servicie de transport de balayal’a comensat su bastament. Li syndicate intente advocar a bastament anc in li officies por cives e in li centres de dial cuida por infantes.

Li president del Union de communal patrones, Böhle, declarat ínterim, que in li session de tractada ye 10 februar on va dever presentar un ameliorat offerte.

Record-precie por Giacometti-sculptura

Un sculptura del sviss artist Alberto Giacometti ha esset aucionat in Grand-Britannia por un record-precie. Li ovre «L’homme qui marche I», qui appari sur li sviss banc-bil’ette de 100 francs, ha esset vendit in li auctionería Sotheby’s in London contra 65 milliones de pounds (74 milliones de euros). Secun Sotheby’s to ha esset li max alt precie, quel alquande ha esset attin’et por un art-ovre durant un auction.

Li auxtionería taxat li valore del bronzin statue ye 18 milliones de pounds, ma un anonym telefonic comprator pos un auctionari batall’e con almen deci participatores finalmen payat li record-summa.

Esque Iran accepta un compromiss in li atom-querelle?

On va forsan mover se in li atom-querelle con Iran.

Li iranés president Ahmadinejad dit in li statal television, que su land ne vell har un problema con un inrichation de Uran in extrania. Un parlator del USA-guvernament dit, si Iran vell acceptar ti compromiss-proposition, li land mey informar li International Agentura por Energie Atomari (IAEA) per scrit.

Occidental states time, que li iranés nucleari programm servi ne cardinalmen a civil scopes, ma al production de atomic armes.

Baltic mare glacia-se plu

Li constant frigore postula plen labor del glacie-ruptores in li nordic parte del baltic mare: Secun information del responsibil administrationes omni attin’ibil special naves ex Finnland e Svedia es in function por rupter vias in li glacie por prames e mercantil naves in li nordic parte del baltic mare.

Li naval administration de Svedia ha mem fretat du additional naves, proque avan li occidental coste li Kattegat, quel normalmen resta sin glacie, gela plu e plu.

Beyoncé triumfa che li Grammy-gala.

Li grand victoressa che li ho-annual us-american Grammy-Award-distribution, quel ha evenit li 31 januar, ha esset li us-american pop-stelle Beyoncé: Li R&B-cantatoressa recivet un Grammy-Award mem in six categories e per to fat un nov record por feminal artistes. Inter su premiates es anc li canta del annu «Single Ladies».

Quam max bon album del annu ha esset premiat «Fearless» del Country-cantatoressa Taylor Swift, qui recivet intot quar Grammy-premies. Li comete del annu passat, Lady Gaga, recivet du Grammy-premies. Ho-annu esset attribuet intot 109 Grammy-premies.

USA da asyl a german familie

In USA un german cuple, quel con su infantes fuit ad-in li USA pro li general obligat scolari education in Germania, recivet politic asyl. Li decision de un immigratori judico ha esset publicat in Memphis. Dunc li cuple e su quin infantes posse restar in Tennessee, u illi vive de 2008.

Li evangelical christanes opine, que li german curricule viola christan valores. Illi motiva lor petition ye asyl per to, que illi es persecutet pro lor christan crede.

Official visita de Peres in Berlin

In li cadre de su tri-dial official visita in Germania li israelic presidente Shimon Peres (originalmen Szymon Perski) ha esset recivet del german federal presidente Horst Köhler in li palace Bellevue. On salutat Peres ta con militari honores.

Circa ye midí li portator del Nobel-premie de Pace, qui have 86 annus, va incontrar li german federal cancelaria Angela Merkel. In li fócus del parladas sta suposibilmen li situation in proxim oriente e li atomari querelle con Iran.

Deman Peres intente parlar in li german federal parlamente in occasion del international holocaust-anniversarie.