Ministre-president Papandreou deve presentar, qualmen su guvernament intente victer li crise. Por prevenir un state-bancruptie, li EU ordonat a Athen un strict reduction del expenses.

It existe signales, que li EU-states vole auxiliar Grecia con credites. Li chefs in li EU sta sub pression, nam li crise intrubla li euro e menacia attin’er altri landes del EU.

Pro li decurs del audition del candidates in li parlament, on attende un Yes del deputites. Pro lor pression, li bulgara Rumiana Jeleva hat retirat su candidatura. Su loc in li commission nu va prender li vice-presidenta del Mundal Banca, Kristalina Georgieva.

Li prension del officie del commission es planat por deman. Germania invia a Bruxel li ministre-president de Baden-Württemberg, Oettinger, quam nov EU-commissar por energie. Oettinger recentmen recivet grand attention per su incapabilitá leer e pronunciar un anglés textu, benque il self ante quelc annus postulat de omni german ovrero, parlar e usar anglés.

Li nave hat cargat circa dúdeci tonnes de nutrage por li tri super-mercates del insul, quel have circa 1000 inhabitatores. Poy «Görmitz» tirat li pram «Vitte», quel de deci dies ha esset fixat ta con motor-defecte tra li dens glacie inter Rügen e Hiddensee.

Milles de homes in via a lor labor attendet vanmen in li matine a tram e metró. In Saarbrücken li laboreros del servicie de transport de balayal’a comensat su bastament. Li syndicate intente advocar a bastament anc in li officies por cives e in li centres de dial cuida por infantes.

Li president del Union de communal patrones, Böhle, declarat ínterim, que in li session de tractada ye 10 februar on va dever presentar un ameliorat offerte.

Li auxtionería taxat li valore del bronzin statue ye 18 milliones de pounds, ma un anonym telefonic comprator pos un auctionari batall’e con almen deci participatores finalmen payat li record-summa.

Li iranés president Ahmadinejad dit in li statal television, que su land ne vell har un problema con un inrichation de Uran in extrania. Un parlator del USA-guvernament dit, si Iran vell acceptar ti compromiss-proposition, li land mey informar li International Agentura por Energie Atomari (IAEA) per scrit.

Occidental states time, que li iranés nucleari programm servi ne cardinalmen a civil scopes, ma al production de atomic armes.

Li naval administration de Svedia ha mem fretat du additional naves, proque avan li occidental coste li Kattegat, quel normalmen resta sin glacie, gela plu e plu.

Quam max bon album del annu ha esset premiat «Fearless» del Country-cantatoressa Taylor Swift, qui recivet intot quar Grammy-premies. Li comete del annu passat, Lady Gaga, recivet du Grammy-premies. Ho-annu esset attribuet intot 109 Grammy-premies.

Li evangelical christanes opine, que li german curricule viola christan valores. Illi motiva lor petition ye asyl per to, que illi es persecutet pro lor christan crede.

Circa ye midí li portator del Nobel-premie de Pace, qui have 86 annus, va incontrar li german federal cancelaria Angela Merkel. In li fócus del parladas sta suposibilmen li situation in proxim oriente e li atomari querelle con Iran.

Deman Peres intente parlar in li german federal parlamente in occasion del international holocaust-anniversarie.